ԱԸՊ օրենսդրական փաթեթի լրամշակված նախագիծն արդեն հրապարակվել է e-draft հարթակում
Հայաստանում Արտադրողի ընդլայնված պատասխանատվության (ԱԸՊ) համակարգի ներդրման գործընթացը մտել է կարևոր փուլ։ ԱԸՊ օրենսդրական փաթեթի լրամշակված նախագիծն արդեն հրապարակվել է e-draft հարթակում՝ հանրային քննարկման համար։
Նախագծի նպատակն է ձևավորել ավելի արդյունավետ և կայուն թափոնների կառավարման համակարգ՝ հստակեցնելով արտադրողների և ներմուծողների պատասխանատվությունն ապրանքների կյանքի ամբողջ ցիկլի ընթացքում՝ դրանց օգտագործումից հետո գոյացող թափոնների հավաքման և վերամշակման մասով։
Բոլոր շահագրգիռ կողմերին հրավիրում ենք՝
ծանոթանալ օրինագծին e-draft հարթակում ներկայացնել առաջարկներ և դիտարկումներ մասնակցել հանրային քննարկման գործընթացին
Հունիսի 19-ին Հայաստանի ամերիկյան համալսարանում կկայանա շահառուների հանդիպում, որտեղ կներկայացվի նախագիծը և կքննարկվեն դրա հիմնական դրույթները։ Գրանցում հանդիպմանը՝ https://ace.aua.am/waste/workshop_registration/
Ակտիվ մասնակցությունը կարևոր է՝ ձևավորելու արդյունավետ, արդար և գործնական համակարգ, որը կծառայի թե՛ շրջակա միջավայրի պահպանությանը, թե՛ տնտեսության զարգացմանը։