Վերին Դվինում գազաֆիկացման աշխատանքներ են մեկնարկել

Արարատի մարզում շարունակվում են համայնքների ենթակառուցվածքների զարգացմանն ուղղված ծրագրերը։

Մարզպետի աշխատակազմի պատվիրակությամբ մեկնարկել են Վերին Դվին համայնքի Լեոնիդ Եդիգարովի և Աղալար Չալաբովի փողոցների գազաֆիկացման աշխատանքները։

Ծրագրի ընդհանուր արժեքը կազմում է 21 միլիոն 448 հազար 96 ՀՀ դրամ։

Նախաձեռնության իրականացումը կարևոր քայլ է համայնքի կենսապայմանների բարելավման ուղղությամբ, քանի որ այն հնարավորություն կտա տվյալ երկու փողոցների շուրջ 50 անշարժ գույքերի սեփականատերերի հետագայում միանալ գազամատակարարման համակարգին։