Monument Bank-ը սկսում է ավանդների թոքենիզացիա
Monument Bank-ը նախատեսում է ներդնել մանրածախ վաճառքի ավանդների թոքենիզացիա՝ թույլ տալով հաճախորդների խնայողությունների արտապատկերում բլոքչեյնում, միաժամանակ պահպանելով դրանց լիարժեք անվտանգությունն ու ֆունտ ստեռլինգով հետգնման հնարավորությունը։
Նախագիծը իրականացվում է Midnight Foundation-ի ենթակառուցվածքի հիման վրա և առաջին փուլում նպատակ ունի թոքենիզացնել 250 միլիոն ֆունտ ստեռլինգի ավանդ։ Յուրաքանչյուր թոքեն ներկայացնում է բանկում պահվող միջոցներ և պաշտպանված է Financial Services Compensation Scheme-ի միջոցով։
Նախաձեռնությունը նպատակ ունի ընդլայնել հասանելիությունը ներդրումային այն հնարավորություններին, որոնք ավանդաբար հասանելի են եղել միայն մեծահարուստ անձանց և հաստատությունների համար, որոնց թվում են՝ մասնավոր կապիտալը և կառուցվածքային պրոդուկտները։ Այս թոքենիզացված ակտիվները հասանելի կլինեն բանկի հավելվածի միջոցով, իսկ բլոքչեյն տեխնոլոգիան կաշխատի ֆոնային ռեժիմում՝ առանց հաճախորդների կողմից թվային ակտիվների կառավարման անհրաժեշտության։
Հետագա փուլերում բանկը նախատեսում է առաջարկել թոքենիզացված ներդրումային լրացուցիչ պրոդուկտներ և լոմբարդային վարկավորում՝ թույլ տալով հաճախորդներին վարկ վերցնել իրենց ներդրումների դիմաց։ Այս մոտեցումը նպատակ ունի ապահովել ավելի ճկուն և նորարարական ֆինանսական լուծումներ միջին խավի վերին հատվածի հաճախորդների համար՝ պահպանելով անվտանգ և կարգավորվող միջավայր։