Հայաստանի կառավարության և ժողովրդի աջակցությունն Իրանի ժողովրդին մեծ գնահատանքի է արժանի. Արաղչիի գրառումը
Իրանի արտաքին գործերի նախարար Աբբաս Արաղչին հայտարարել է, որ Հայաստանի կառավարության և հայ ժողովրդի աջակցությունը Իրանի ժողովրդին՝ իրանցիների տեղափոխման և մարդասիրական օգնության հարցերում, մեծ գնահատանքի է արժանի։
Աբբաս Արաղչին այդ մասին հայերենով գրառում է արել X-ի իր միկրոբլոգում։
«ՀՀ կառավարության և ժողովրդի աջակցությունը Իրանի ժողովրդին` իրանցիների տեղափոխման և մարդասիրական օգնության հարցերում, մեծ գնահատանքի է արժանի։ Իրանի և Հայաստանի դարավոր կապը դժվար պահին կրկին ցույց տվեց իր ամրությունը, և եղբայրական այս քայլերը կմնան Իրանի ժողովրդի հիշողության մեջ»,- գրել է Արաղչին։
Նշենք, որ Հայաստանը մարդասիրական օգնություն է ուղարկել Իրան, որը հիմնականում դեղորայք է պարունակել։