Կամո բնակավայրում շուտով 24-ժամյա ջրամատակարարում կապահովվի

Ախուրյան համայնքի ղեկավար Զավեն Մանուկյանն ընդունել է «Աղբյուրից մինչև ծորակ. Շիրակի մարզի Կամո բնակավայրում անվտանգ և կայուն խմելու ջրի հասանելիության ապահովում» ծրագրի ղեկավար Մարգարիտա Հակոբջանյանին և թիմի ղեկավար Ռամի Ալնատուրին։

Ախուրյանի համայնքապետարանը «Տեխնիկական համագործակցության և զարգացման գործակալության» Հայաստանյան մասնաճյուղի հետ համատեղ 2026 թվականին կիրականացնի վերոնշյալ ծրագիրը։

Ծրագրի շրջանակներում կիրականացվեն ջրավազանների և սնող ջրագծերի կառուցման ու վերանորոգման աշխատանքներ։

Ծրագրի ընդհանուր արժեքը կազմում է 37,000,000 ՀՀ դրամ, որը համաֆինանսավորվելու է Ախուրյանի համայնքապետարանի և SICASIL-ի կողմից։

Արդյունքում Կամո բնակավայրում կապահովվի շուրջօրյա ջրամատակարարում։

Հանդիպման ավարտին կողմերը շնորհակալություն են հայտնել համագործակցության համար, իսկ համայնքի ղեկավար Զավեն Մանուկյանը հույս է հայտնել, որ համագործակցությունը կլինի շարունակական։