Ռուսաստանի սառեցված ակտիվները Ուկրաինայի համար օգտագործելու հարցը փակված է. ԵՀ ներկայացուցիչ
Եվրահանձնաժողովի դիրքորոշումը Ռուսաստանի սառեցված ակտիվները՝ Ուկրաինայի համար օգտագործելու վերաբերյալ էականորեն տարբերվում է Գերմանիայի արտաքին գործերի նախարար Յոհան Վադեֆուլի հայտարարությունից, որը կարծում է, թե այդ հարցը հանվել է ԵՄ օրակարգից։ Այդ մասին հայտարարել է Եվրահանձնաժողովի ներկայացուցիչ Բալաշ Ույվարին։
«Եթե վերադառնանք դեկտեմբերի Եվրոպական խորհրդի եզրակացություններին, ապա այնտեղ կա, կարծում եմ, կարևոր ձևակերպում, ըստ որի՝ Եվրոպական խորհուրդը օրենսդիրներին կոչ է անում շարունակել աշխատել փոխհատուցման վարկի առաջարկի տեխնիկական և իրավական ասպեկտների վրա», – ասել է եվրոպացի պաշտոնյան։
Այսպես նա պատասխանել է այն հարցին, թե արդյոք Եվրահանձնաժողովը համաձայն է Գերմանիայի ԱԳ նախարար Վադեֆուլի գնահատականի հետ, որն օրեր առաջ հայտարարել էր, որ Ուկրաինային 2026-2027 թվականներին 90 միլիարդ եվրոյի օգնություն տրամադրելու ծրագրի պայմաններում՝ վարկերի հաշվին, ռուսական սառեցված ակտիվների օգտագործման հարցը առայժմ փակված է և հանված է օրակարգից։
Միևնույն ժամանակ, Եվրամիության արտաքին քաղաքականության և անվտանգության հարցերով բարձր ներկայացուցիչ Կայա Կալասը, փետրվարի 23-ին կայացած ԵՄ արտաքին գործերի խորհրդի նիստից հետո հայտարարել էր, որ եթե այդ ծրագիրը չաշխատի, ապա «միշտ հնարավոր է վերադառնալ սառեցված ակտիվների տարբերակին»։