Բեռլինում քննարկվել են զբոսաշրջության նոր ուղղությունների կայուն և արդյունավետ զարգացման ուղիները

ՀՀ ԷՆ Զբոսաշրջության կոմիտեի նախագահ Լուսինե Գևորգյանը մասնակցել է ITB Berlin 2026 միջազգային զբոսաշրջային ցուցահանդեսի մեկնարկից առաջ իրականացված «Զարգացող զբոսաշրջային ուղղությունների հզորացում․ ներուժից դեպի արդյունք» խորագրով նախարարների գագաթնաժողովին։

Քննարկումների առանցքում են եղել զբոսաշրջության արագ աճի արդյունավետ կառավարման մեխանիզմները, ներդրումների ուղղորդումը՝ տեղական համայնքների շահերից ելնելով, մարդկային ռեսուրսների զարգացումը, ինչպես նաև տվյալների և թվային գործիքների կիրառումը՝ ռազմավարական պլանավորման և նորարարության համար։

ՄԱԿ գլխավոր քարտուղարն իր ելույթում հատուկ ընդգծել է խաղաղության առանցքային նշանակությունը՝ որպես կայունության, միջազգային համագործակցության և զբոսաշրջության երկարաժամկետ զարգացման հիմք։

Գագաթնաժողովը կարևոր հարթակ է եղել պետական և մասնավոր հատվածների համագործակցության ամրապնդման և զբոսաշրջության կայուն զարգացման խթանման համար։