Արամ Ղազարյանը աշխատանքային այցով եղել է Արմավիրի և Արարատի մարզերում
ՆԳՆ փրկարար ծառայության տնօրեն-ՆԳ նախարարի տեղակալ Արամ Ղազարյանը փետրվարի 17-ին աշխատանքային այցով Արմավիրի և Արարատի մարզերում էր։
Արամ Ղազարյանը ծանոթացել է մարզային փրկարարական վարչությունների ստորաբաժանումների գործունեությանը, գնահատել հրշեջ-փրկարարական ջոկատների տեխնիկական հագեցվածությունը, անձնակազմի պատրաստվածությունն ու օպերատիվ արձագանքման կարողությունները։
Փրկարար ծառայության տնօրենը նաև աշխատանքային խորհրդակցություն է անցկացրել։ Նա ընդգծել է, որ ընթացիկ տարում պետք է կենտրոնանալ Փրկարար ծառայության վերափոխման հայեցակարգային մոտեցումների իրագործման վրա։
Արամ Ղազարյանի խոսքով՝ անհրաժեշտ է բարձրացնել ծառայության պատրաստվածության և տարբեր բարդության սցենարներում մասնագիտական կարողությունների մակարդակը։
Կարևորվել է տարբեր սցենարային իրավիճակներում փրկարարական ծառայողների մասնագիտական կարողությունների ամրապնդումը
ՆԳՆ փրկարար ծառայության տնօրեն-ՆԳ նախարարի տեղակալ Արամ Ղազարյանը փետրվարի 17-ին աշխատանքային այցով Արմավիրի և Արարատի մարզերում էր։
Արամ Ղազարյանը ծանոթացել է մարզային փրկարարական վարչությունների ստորաբաժանումների գործունեությանը, գնահատել հրշեջ-փրկարարական ջոկատների տեխնիկական հագեցվածությունը, անձնակազմի պատրաստվածությունն ու օպերատիվ արձագանքման կարողությունները։
Փրկարար ծառայության տնօրենը նաև աշխատանքային խորհրդակցություն է անցկացրել։ Նա ընդգծել է, որ ընթացիկ տարում պետք է կենտրոնանալ Փրկարար ծառայության վերափոխման հայեցակարգային մոտեցումների իրագործման վրա։
Արամ Ղազարյանի խոսքով՝ անհրաժեշտ է բարձրացնել ծառայության պատրաստվածության և տարբեր բարդության սցենարներում մասնագիտական կարողությունների մակարդակը։
Անդրադառնալով փրկարարական ծառայողների մասնագիտական գիտելիքների և հմտությունների զարգացման գործընթացին՝ Արամ Ղազարյանն ընդգծել է վերապատրաստումների շարունակականության կարևորությունը։
Արամ Ղազարյանը կատարած արդյունավետ աշխատանքի համար շնորհակալություն է հայտնել փրկարարական ծառայողներին և շեշտել՝ դրական ցուցանիշներն ամրապնդելու անհրաժեշտությունը։ Այցի ավարտին մի խումբ ծառայողների շնորհվել են առաջին սպայական կոչումներ։