Հայաստանում կստեղծվի արագ արձագանքման բժշկական թիմ
ՀՀ–ում կստեղծվի արագ արձագանքման բժշկական թիմ (ԱԱԲԹ)։ Համապատասխան որոշումն ընդունվեց ՀՀ կառավարության այսօրվա նիստի ժամանակ։
«Արագ արձագանքման բժշկական խումբը (ՀՀ ԱԱԲԽ) կարող է ներգրավվել ինչպես ՀՀ–ում արտակարգ իրավիճակների հետևանքով տուժածներին բժշկական օգնություն և սպասարկում տրամադրելու աշխատանքներին, այնպես էլ ՀՀ տարածքից դուրս միջազգային մարդասիրական առաքելություններին»,– ասված է որոշման հիմնավորման մեջ:
Ըստ ընդունված որոշման` այս խումբը պետք է լինի ինքնաբավ (self sufficient), այսինքն` հագեցած լինի անձնակազմով, գույք–սարքավորումով, սնունդով և այլն, ունենա այն ամենը, ինչն անհրաժեշտ է ցանկացած վայրում տեղակայվելու և տուժած քաղաքացիներին անհրաժեշտ բժշկական օգնություն և սպասարկում ցուցաբերելու համար: