ԷՆ տարբեր պաշտոնյաների, աշխատակիցների անուններով բացվել են կեղծ օգտահաշիվներ

Էկոնոմիկայի նախարարությունից տեղեկացնում են, որ  գերատեսչության աշխատակիցների անուններով բացվել են կեղծ օգտահաշիվներ: Հայտարարության մեջ, մասնավորապես, ասվում է.

ՀՀ էկոնոմիկայի նախարարության տարբեր պաշտոնյաների, աշխատակիցների անուններով բացվել են ԿԵՂԾ օգտահաշիվներ մի շարք սոցիալական հարթակներում (Facebook, WhatsApp, MAIL)։ Այս մասին հայտարարություն է տարածել ՀՀ էկոնոմիկային նախարարությունը։

«Խնդրում ենք կասկածելի նամակներ ստանալու դեպքում ստուգել էջերի իսկությունը, չփոխանցել որևէ անձնական տվյալ և չբացել կցված հղումները կամ ֆայլերը։

Ցուցաբերեք առավելագույն զգոնություն և հետևեք տեղեկատվական անվտանգության հիմնական կանոններին: