ՕՊԵԿ+ երկրները նոր պայմանավորվածություն են ձեռք բերել
ՕՊԵԿ+-ի ութ երկրների նախարարները, որոնք մասնակցում են նավթի արդյունահանման կամավոր սահմանափակումներին, հերթական ամսական հանդիպման արդյունքներով որոշել են առաջին եռամսյակում պահպանել արդյունահանման աճի դադարը: Այս մասին ասվում է ՕՊԵԿ-ի հաղորդագրության մեջ։
Այսպիսով, մարտ ամսվա քվոտաները կսահմանվեն դեկտեմբերին գործող մակարդակում, ինչպես դա նախապես պլանավորված էր։
Միևնույն ժամանակ մի շարք երկրների համար շարունակում են գործել փոխհատուցման գրաֆիկները։ Ամենախոշոր փոխհատուցումը, այսինքն՝ քվոտայից ավելին լրացուցիչ արդյունահանման կրճատումը, պետք է իրականացնի Ղազախստանը, որի մոտ դեկտեմբերին և հունվարին արդյունահանումը նվազել էր արտաքին գործոնների պատճառով՝ Կասպյան խողովակաշարային կոնսորցիումի միջոցով արտահանման սահմանափակումների, ինչպես նաև Տենգիզ հանքավայրի էներգետիկ օբյեկտում տեղի ունեցած վթարի հետևանքով։
ՕՊԵԿ+-ի «ութնյակի» հաջորդ հանդիպումը նախատեսված է մարտի 1-ին։