Նախատեսվում է ստեղծել հաշմանդամություն ունեցող անձանց համար մատչելիության հարցերով զբաղվող միջգերատեսչական հանձնաժողով

ՀՀ աշխատանքի և սոցիալական հարցերի նախարարությունը հայտնում է հաշմանդամություն ունեցող անձանց համար մատչելիության հարցերով զբաղվող միջգերատեսչական հանձնաժողովի կազմում ընդգրկվելու մասին։

2025 թվականի դեկտեմբերի 5-ին Վարչապետի գլխավորությամբ կայացած՝ հաշմանդամություն ունեցող անձանց հարցերով զբաղվող ազգային հանձնաժողովի նիստի քննարկման արդյունքներով նախատեսվում է ստեղծել հաշմանդամություն ունեցող անձանց համար մատչելիության հարցերով զբաղվող միջգերատեսչական հանձնաժողով:

Հանձնաժողովի գործունեության նպատակն է հաշմանդամություն ունեցող անձանց համար մատչելիության խնդիրների կարգավորման համակարգված իրականացումը։ Հանձնաժողովի կազմում կընդգրկվեն պետական մարմինների և հաշմանդամություն ունեցող անձանց հիմնահարցերի ոլորտում ակտիվ գործունեություն ծավալող քաղաքացիական հասարակության ներկայացուցիչներ:

Անհրաժեշտ փաստաթղթերը՝

1. Թեկնածուի համառոտ ինքնակենսագրություն,

2. Հասարակական կազմակերպության կանոնադրությունը,

3. Տեղեկատվություն հաշմանդամություն ունեցող անձանց համար մատչելիության ապահովմանն առնչվող ծրագրերի և միջոցառումների վերաբերյալ մեկ էջի սահմաններում:

Պահանջվող փաստաթղթերը խնդրում ենք ուղարկել  [email protected] էլեկտրոնային հասցեին մինչև ս.թ. դեկտեմբերի 15-ը ժամը 18:00:

Նշվում է,  որ աշխատանքներն իրականացվելու են հասարակական հիմունքներով և միայն ընտրված թեկնածուները կհրավիրվեն հարցազրույցի: