G20 Յոհաննեսբուրգ․ աշխարհի խոշոր տնտեսությունները համաձայնել են պարտքային և կլիմայական նոր գործիքակազմի շուրջ

Յոհաննեսբուրգում ավարտված G20 գագաթաժողովը ընդունեց ընդլայնված հռչակագիր, որով առաջնորդները կոչ էին անում արագացնել զարգացող երկրների պարտքի վերակազմավորման գործընթացը և ապահովել կլիմայական ֆինանսավորման նախադրյալները։
Հռչակագրում ընդգծվում է, որ բարձր պարտքային բեռը շարունակում է սահմանափակել բազմաթիվ երկրների տնտեսական աճը, իսկ էներգետիկ անցումը պահանջում է «նախադեպեր չունեցող ներդրումային հոսքեր»։

IMF-ի գործադիր տնօրեն Կրիստալինա Գեորգիևան նշել է, որ գլոբալ տնտեսությունը «դանդաղ, բայց կայուն վերականգնման փուլում է», սակայն զգուշացրել է՝ եթե պարտքի համակարգային բարեփոխումները չարագանան, մի շարք տնտեսություններ կարող են հայտնվել նոր ճգնաժամի շեմին։

Գագաթաժողովը մտադիր է խթանել

• կլիմայի հանդեպ դիմակայության ծրագրերը,

• էներգետիկ ենթակառուցվածքների արդիականացումը,

• հումքային ռազմավարական ռեսուրսների արդար շուկայի ձևավորումը,
  որը, ըստ փորձագետների, կարող է զգալիորեն փոխել Աֆրիկայի և Ասիայի ներդրումային քարտեզը։

Տնտեսագետները նախազգուշացնում են, որ առաջիկա ամիսներին գլոբալ ռիսկերի թվում մնալու են էներգետիկ պահանջարկի աճը, ենթակառուցվածքների թերզարգացումը և պարտքային թափանցիկության պակասը։