ԱՄՀ-ն զգուշացնում է․ մաքսատուրքերի աճը կարող է թուլացնել գլոբալ տնտեսությունը

Արժույթի Միջազգային հիմնադրամը հրապարակել է թարմ կանխատեսում, ըստ որի՝ համաշխարհային տնտեսական աճը 2025 թվականին կարող է դանդաղել մինչև 2.8%։ Հիմնական ռիսկերի թվում ԱՄՀ-ն առանձնացնում է ԱՄՆ-ի կողմից մաքսատուրքերի կտրուկ բարձրացումը, ինչը խաթարում է միջազգային առևտրի հոսքերը և ուժեղացնում անորոշությունը ֆինանսական շուկաներում։

Հիմնադրամն ընդգծում է, որ տնտեսական ճնշումները հատկապես զգալի են արտահանման վրա հիմնված տնտեսությունների համար, իսկ առաջացած լարվածությունը կարող է երկարաժամկետ բացասական ազդեցություն ունենալ ներդրումային միջավայրի վրա։