ԵԿԲ ղեկավարությունը նշել է ԵՄ-ում գնաճի կայունացումը
ԵՄ-ում գնաճն ընդհանուր առմամբ կայունացել է, իսկ տնտեսությունն արտացոլում է կայունություն բարձր անորոշության պայմաններում, Bloomberg-ին ասել է Եվրոպական կենտրոնական բանկի կառավարման խորհրդի անդամ Պիերո Չիպոլոնեն։
«Մենք կարծում ենք, որ գնաճի ռիսկերը հավասարակշռված են: Ցուցիչները թիրախային մակարդակներում են և առաջիկա երկու տարում էլ կպահպանվեն այդ մակարդակում», – ասել է նա:
Չիպոլոնեի խոսքով՝ գնաճը եվրագոտում կազմում է 2%, իսկ ՀՆԱ-ի աճի տեմպերը երրորդ եռամսյակում որոշ չափով կնվազեն, սակայն այնուհետև կվերականգնվեն։ Այս հաշվարկով ներկայիս տոկոսադրույքների մակարդակը արդարացված է, թեև կարգավորիչը պատրաստ է անհրաժեշտության դեպքում արձագանքել՝ փոխելով տոկոսադրույքները ցանկացած ուղղությամբ։
Սեպտեմբերին ԵԿԲ-ն անփոփոխ է պահել երեք հիմնական տոկոսադրույքները։ Հաջորդ նիստը կկայանա հոկտեմբերի 30-ին։
Ներդրողներն ու վերլուծաբանները չեն սպասում նոր կրճատումների հիմնական տոկոսադրույքի համար, որն այժմ կազմում է 2%։ Միևնույն ժամանակ ԵԿԲ ղեկավարության անդամները կարող են տարվա վերջին վերագնահատել իրավիճակը, քանի որ դեկտեմբերին կարգավորիչը կներկայացնի նորացված մակրոտնտեսական կանխատեսումներ, որոնք կօգնեն ավելի լավ գնահատել ամերիկյան ներմուծման մաքսատուրքերի ազդեցությունը և գնաճի թիրախից ցածր մակարդակի անցնելու հավանականությունը։
Չիպոլոնեն նշել է, որ գնաճային սպասումները ԵԿԲ-ի համար հիմնական գործոն են, և դրանք կայուն պահվում են մոտ 2%-ի սահմանում, ինչը լավատեսության հիմք է:
Աղբյուրը՝ b24.am