Ոսկու գինը նոր ռեկորդ է սահմանել՝ մեկ ունցիայի համար գերազանցելով 3735 դոլարը

Ոսկու գները շարունակում են աճել երեքշաբթի օրվա ընթացքում՝ հասնելով բոլոր ժամանակների նոր առավելագույնին։

Comex բորսայում դեկտեմբերյան ոսկու ֆյուչերսները բարձրացել են 0.4%-ով՝ մեկ տրոյական ունցիայի համար 3,735.5 դոլարով։ Տարեսկզբից ի վեր ոսկու գինը բարձրացել է 35%-ով։

Թանկարժեք մետաղի գնի աճը պայմանավորված է ԱՄՆ դոլարի թուլացմամբ՝ կապված այն սպասումների հետ, որ Դաշնային պահուստային համակարգը սեպտեմբերի 17-ին առաջին անգամ կնվազեցնի տոկոսադրույքները: CME FedWatch-ի տվյալներով՝ տոկոսադրույքի 25 բազային կետով նվազման հավանականությունը շուկան գնահատում է մոտ 96%: Միևնույն ժամանակ, վերլուծաբաններն ու մասնակիցները փոքր հավանականություն են տեսնում, որ տոկոսադրույքը միանգամից կնվազի 50 բազային կետով:

ICE-ի կողմից հաշվարկվող DXY ինդեքսը, որը ցույց է տալիս դոլարի դինամիկան վեց արժույթների (եվրո, շվեյցարական ֆրանկ, յեն, կանադական դոլար, ֆունտ ստերլինգ և շվեդական կրոն) նկատմամբ, երեքշաբթի կորցնում է մոտ 0,3%։ Դոլարի թուլացումը մեծացնում է այլ արժույթներ ունեցողների կողմից ոսկու պահանջարկը։