Մ. Գալստյան. Անշարժ գույքի շուկայում գների կտրուկ անկման ռիսկեր չենք նկատում
Այս պահին անշարժ գույքի շուկայում գների անկումը, եթե այդպիսին կա, ապա չափավոր բնույթ է կրում և տեղի է ունենում կանխատեսելի, հանգիստ հետագծով։ Այս մասին սեպտեմբերի 16-ին լրագրողների հետ հանդիպման ժամանակ հայտարարել է Հայաստանի Կենտրոնական բանկի նախագահ Մարտին Գալստյանը։
Նա հավելել է, որ Կենտրոնական բանկը, հիմնվելով սրա վրա, այս պահին որևէ ռիսկ չի տեսնում։ Գալստյանը դա բացատրել է նրանով, որ երկրում տնտեսական ակտիվության որոշակի արագացում է նկատվում։ Միաժամանակ նա հիշեցրել է, որ Կենտրոնական բանկը իր վերջին զեկույցներում գրել է անշարժ գույքի շուկայում գների նվազման հնարավոր ռիսկերի մասին։