ՀՀ էկոնոմիկայի նախարարությունում տեղի է ունեցել կառուցապատողների աշխատանքային խմբի հերթական նիստը
Սեպտեմբերի 12-ին ՀՀ էկոնոմիկայի նախարարությունում տեղի է ունեցել կառուցապատողների աշխատանքային խմբի հերթական նիստը, որը վարել է խմբի ղեկավար, ՀՀ էկոնոմիկայի նախարար Գևորգ Պապոյանը։
Քննարկվել են ոլորտին առնչվող մի շարք կարևոր հարցեր, այդ թվում՝
- կառուցման փուլում գտնվող շենքերի նկատմամբ անշարժ գույքի հարկի հաշվարկման կարգավորումները,
- «Կառուցապատման գործունեության մասին» օրենքի հայեցակարգը,
- ապարտ-հոթելների օրենսդրական դաշտի հստակեցումը,
- ներդրման դիմաց կացության կարգավիճակի տրամադրումը,
- վարչական դատավարության օրենսգրքի փոփոխությունները,
- տեղական տուրքերի և վճարների դրույքաչափերի մեղմացման հնարավորությունները։
Անդրադարձ է կատարվել նաև ոլորտին առնչվող այլ արդիական թեմաների։
Նիստին մասնակցել են «Հայաստանի շինարարների միություն» ՀԿ նախագահ Վահան Հարությունյանը, ինչպես նաև շահագրգիռ մարմինների այլ ներկայացուցիչներ։