Կրիպտո ոլորտում հաքերային հարձակումներից վնասը օգոստոսին հասել է 163 միլիոն դոլարի

Օգոստոսին կրիպտո ոլորտում հաքերային հարձակումներից վնասը կազմել է 163 միլիոն դոլար: PeckShield-ի վերլուծաբանները գրանցել են մոտ 16 խոշոր հարձակում։

Այս ցուցանիշը 15%-ով աճել է հուլիսի համեմատ, երբ կորուստները հասել են 142 միլիոն դոլարի։

Հաքերների թիրախներից մեկը թուրքական կրիպտո բորսան էր՝ BtcTurk-ը։ Հարթակը կորցրել է 54 միլիոն դոլարի ակտիվներ։ Սա բորսայի երկրորդ խոշոր հաքերային հարձակումն է վերջին մեկ տարվա ընթացքում։ 2024 թվականի հունիսին հարձակվողները BtcTurk-ից դուրս են բերել ավելի քան 50 միլիոն դոլար։

Ամսվա ամենամեծ միջադեպը կապված է բիթքոյնի մասնավոր ներդրողի հետ։ Օգտատերը կորցրել է 783 BTC (~91 միլիոն դոլար) սոցիալական ինժեներիայի միջոցով հարձակման արդյունքում։

Օգոստոսի հինգ խոշորագույն միջադեպերի թվում էին նաև՝

Odin.fun՝ 7 միլիոն դոլար,
BetterBank.io՝ 5 միլիոն դոլար,
CrediX Finance՝ 4.5 միլիոն դոլար։