Հնդկաստանից մեկ մլն աշխատանքային միգրանտ կժամանի Ռուսաստան
Ռուսաստանը Հնդկաստանից թույլ կտա մուտք գործել մեկ միլիոն աշխատանքային միգրանտի։ Այս մասին հայտարարել է Ուրալի առևտրաարդյունաբերական պալատի ղեկավար Անդրեյ Բեսեդինը։
Նրա խոսքով՝ այս հարցի շուրջ պայմանավորվածություններն արդեն ձեռք են բերվել։
Ավելի վաղ խոսելով Հնդկաստանից աշխատանքային միգրացիայի մասշտաբների մասին` ռուսական լրատվամիջոցները մինչև 35 հազար թիվ էին նշում։ Որպես աշխատանքի հիմնական սպառող–տարածաշրջաններ, նշվել են Մոսկվայի, Սարատովի, Ուլյանովսկի և Ռոստովի մարզերը, ինչպես նաև Մոսկվան և Սանկտ Պետերբուրգը։
Հիշեցնենք, որ Եվրասիական տնտեսական միության և Հնդկաստանի միջև ակտիվ բանակցություններ են ընթանում ազատ առևտրի գոտու վերաբերյալ համաձայնագիր կնքելու շուրջ։
Աղբյուրը՝ arm.sputniknews.ru