Ո՞վ կլինի ՀԷՑ–ի նոր կառավարիչը, իշխանությունը թեկնածու ունի. Armlur.am
Իշխանությունները մտադիր են «Հայաստանի էլեկտրական ցանցեր» ընկերության կառավարչի պաշտոնում նշանակել ՊՎԾ ղեկավար, Կոտայքի նախկին մարզպետ Ռոմանոս Մելիքյանին։ Այս մասին գրում է Armlur.am-ը՝ հղում անելով լավատեղյակ աղբյուրներին։
«Փաշինյանն ասել է, որ պետք է շատ վստահելի մարդ նշանակել այդ պաշտոնում, որը կկարողանա «կոնտրոլ» անել ՀԷՑ-ի մոտ 6800 աշխատակցի»,- գրում է լրատվամիջոցը։ ԶԼՄ-ի տեղեկություններով՝ քննարկվել են նաև մեկ այլ թիմակցի թեկնածություն, որը ժամանակին ՀԷՑ-ում է աշխատել ու քաջատեղյակ է, թե ինչ իրավիճակ է այնտեղ, բայց այդ հարցում դեռևս վերջնական որոշում չի կայացվել:
Armlur-ը փորձել է նաև մեկնաբանություն ստանալ ՊՎԾ ղեկավար Ռոմանոս Պետրոսյանից, սակայն նա ասել է, որ որևէ մեկնաբանություն չունի: Նշենք, որ հուլիսի 8-ին ՀՀ նախագահ Վահագն Խաչատուրյանը ստորագրել է ՀԷՑ-ի պետականացման հնարավորություն տվող օրենքը։
Հիշեցնենք` ՀՀ Ազգային ժողովն հուլիսի 3–ին 65 կողմ, 27 դեմ, 0 ձեռնպահ ձայներով երկրորդ ընթերցմամբ և ամբողջությամբ ընդունեց «Հանրային ծառայությունները կարգավորող մարմնի մասին» և «Էներգետիկայի մասին» օրենքներում նախատեսված փոփոխությունների և լրացումների փաթեթը (այլ կերպ ասած՝ ՀԷՑ-ի պետականացման նախագիծը)։