ՀՀ քաղաքացիություն ստանալը և քաղաքացիությունը դադարեցնելը կազմակերպվելու է առցանց

2026 թվականի հունվարի 1-ից թվայնացվելու են ՀՀ քաղաքացիություն ստանալու և քաղաքացիությունը դադարեցնելու գործընթացներում մատուցվող ծառայությունները: 

ՀՀ Ներքին գործերի նախարարության միգրացիայի և քաղաքացիության ծառայությունից հայտնում են, որ «ՀՀ քաղաքացիության մասին» օրենքում 22.01.2025թ-ին ՀՕ-4-Ն օրենքով կատարված փոփոխությունների արդյունքում ՆԳՆ միգրացիայի և քաղաքացիության ծառայությունում ՀՀ քաղաքացիություն ստանալու կամ դադարեցնելու դիմումներ ընդունելու համար հերթագրումներ կիրականացվեն 2026թ-ի հունվարի 1-ից՝ նոր համակարգի միջոցով։

Այդ պատճառով migration.e-gov.am հարթակում հունվարի 1–ից վերոնշյալ ծառայությունը հասանելի չէ։

Վարույթներն էլեկտրոնային եղանակով իրականացնելու նպատակով ներդրվելու է նոր ծրագրային ապահովում, որի շրջանակներում կատարվելու է քաղաքացիության հայտերի նախնական ուսումնասիրություն։

Դրանից հետո հայտ ներկայացրած անձինք հնարավորություն կստանան հերթագրվելու ՀՀ քաղաքացիություն ստանալու կամ դադարեցնելու դիմումներ հանձնելու համար»։