Նոր Խարբերդում, Կորեայի ձորում և Ծարավ Աղբյուրի փողոցում ամբողջությամբ նոր 3 մանկապարտեզ կկառուցվի

Երևանի քաղաքապետարանը 2025 թվականի ընթացքում էներգաարդյունավետության ծրագրով իրականացնելու է 36 մանկապարտեզի վերազինման աշխատանքներ, 7 մանկապարտեզ վերակառուցվելու է, արդունքում հավելյալ խմբեր են ավելանալու վերոնշյալ մանկապարտեզներում: 

«Այս պահին ունենք արդեն 7 մանկապարտեզներ, որոնք շինարարության փուլում են: Եվս 3 ամբողջությամբ նոր մանկապարտեզ ենք կառուցելու. մեկը գտնվում է Նոր Խարբերդում, մյուսը՝ Կորեայի ձորում, երրորդը՝ Ծարավ Աղբյուրի փողոցում»,- լրագրողների հետ հանդիպման ժամանակ  ասել էԵրեւանի քաղաքապետի խոսնակ Հայկ Կոստանյանը։

Ըստ Կոստանյանի՝ Արաբկիր վարչական շրջանում կա  անմխիթար վիճակում գտնվող 1 մանկապարտեզ, որն ամբողջությամբ քանդվելու և վերակառուցվելու է:

«Եվս 2 նոր մանկապարտեզների հիմնանորոգման մրցույթ առաջիկայում կհայտարարենք»,- ասաց նա՝ նշելով, որ այս աշխատանքների արդյունքում մանկապարտեզներում հերթերի քանակը կմեղմվի: