Արդյունավետության բարձրացում գյուղատնտեսությունում
Արդյունավետության բարձրացում գյուղատնտեսությունում
Մաս 1․ Կաթիլային ոռոգման համակարգ
Գյուղատնտեսական մշակաբույսերի բերքատվության բարձրացման գործում կարևոր նշանակություն ունի ոռոգման գործընթացի ճիշտ կազմակերպումը: Կաթիլային ոռոգման համակարգը ոռոգման նորագույն տեխնոլոգիաներից ամենատարածվածն է:
Կաթիլային ոռոգման առավելությունները՝
- Բերքատվության աճ՝ 20-50%-ով
- Բերքի որակի բարձրացում
- Ջրի տնտեսում՝ 40-70%-ով` կախված հողակլիմայական պայմաններից, տնտեսապես ավելի շահութաբեր
- Այգու հավասարաչափ ոռոգում
- Աէրացիոն բարենպաստ պայմաններ բույսի արմատամերձ շերտում
- Ջրալուծ պարարտանյութերի արդյունավետություն՝ մինչև 80%
- Չոր միջշարային տարածություններ
- Մոլախոտերի դեմ պայքարի անհրաժեշտության նվազում
- Մեծ թեքությամբ և բարդ ռելիեֆով տեղանքներում կիրառման հնարավորություն
- Հողի էրոզիայի վտանգի բացառում
- Ջրի ֆիլտրացիոն և գոլորշիացման կորուստների նվազում
- Հողի փխրունության պահպանում, խտացման և մակերեսի կեղևակալման բացառում
- Գրունտային ջրերի մակարդակի պահպանում
- Ջրաբաշխման և ջրման գործընթացների ավտոմատացման հնարավորություն
- Ոռոգմանը զուգահեռ այգու ամբողջական խնամքի իրականացում
- Բերքի և պտղի համաչափ աճ
- Մարդկային գործոնի կրճատում և ժամանակային ռեսուրսի խնայում
Կաթիլային ոռոգումը ոչ միայն ապահովում է արդյունավետ ջրօգտագործում, այլև նպաստում է բերքի որակի ու ծավալի բարձրացմանը՝ դարձնելով այն անփոխարինելի տեխնոլոգիա ժամանակակից գյուղատնտեսության մեջ։ Ոռոգման այս եղանակն արդյունավետ է մեր բնակլիմայական պայմաններում աճող և գյուտնտեսության մեջ առկա գրեթե բոլոր ավանդական պտղատեսակների համար։