52 մլն դրամ՝ վարչապետի աշխատակազմի համար նոր տեսակոնֆերանս համակարգ ձեռքբերելու համար

Կառավարությունն որոշեց շուրջ 52 մլն դրամ հատկացնել վարչապետի աշխատակազմի վարչական շենքի 3-րդ հարկի մեծ դահլիճում տեղադրված տեսակոնֆերանսի համակարգը փոխարինելու համար:

Հիմնավորման մեջ նշվում է, որ այդ համակարգը բարոյապես և տեխնիկապես մաշված է, ինչպես նաև տեղեկատվական տվյալների փոխանցումն  իրականացվում է անլար կապի /Wi Fi տեխնոլոգիա/ միջոցով, ինչն ամբողջապես չի ապահովում տեղեկատվության անվտանգությունը, անհասանելությունը և արտահոսքը:

Ուստի, Վարչապետի աշխատակազմի տեխնիկական հագեցվածության բարելավման նպատակով, անհրաժեշտություն է առաջացել ձեռք բերել նոր տեսակոնֆերանս համակարգ՝  առավել արդիական և անվտանգության տեսանկյունից առավել պաշտպանված: