Gemini 2.0-ը հասանելի է բոլոր օգտատերերի համար
Google-ը հայտարարել է, որ արհեստական բանականության իր նորագույն մոդելը՝ Gemini 2.0-ն այսուհետ հասանելի է բոլոր օգտատերերի համար։ Այս նոր մոդելը ներկայացվում է որպես Google-ի ամենաուժեղ AI տեխնոլոգիան, որը նախատեսված է բազմազան խնդիրների լուծման և օգտատերերի փորձը բարելավելու համար:
Gemini 2.0 Flash մոդելը այժմ հասանելի է բոլոր օգտատերերին, այդ թվում նաև ծրագրավորողներին՝ API տարբերակով։ Flash 2.0-ն 2024-ի վերջից թեստավորվում էր առանձին օգտատերերի մոտ, և այժմ Google-ը այն ներկայացնում է որպես իր հիմնական աշխատանքային մոդել՝ նկարագրելով այն որպես բարձր արդյունավետությամբ ու հաճախականությամբ գործող, մուլտիմոդալ դատողականություն ապահովող գործիք։
Փորձնական տարբերակով հասանելի են դարձել նաև 2.0 Flash Thinking Experimental-ը, որը աշխատանքին զուգահեռ ներկայացնում է իր դատողությունները, ինչպես նաև 2.0 Pro Experimental-ը, որը առավելապես նախատեսված է ծրագրավորման և կոմպլեքս խնդիրների լուծման համար։ Վերջինս համարվում է Google-ւ առայժմ ամենաուժեղ մոդելը։
Բացի այդ, Flash Thinking Experimental-ը ունի առանձին հնարավորություն՝ օգտագործելու այն Youtube, Search և Maps հարթակներում։