Ուկրաինայի տարածքով ռուսական գազի տարանցման դադարեցումը կնվազեցնի ԵՄ պաշարները

Ուկրաինայի տարածքով Ռուսաստանից Եվրամիություն գազի տարանցման դադարեցումը մինչև ապրիլ կնվազեցնի եվրոպական գազի պահեստարանների պաշարները մինչև 30-35%: Այս մասին հայտնում է Bloomberg-ը:

Այս իրավիճակը կստիպի եվրոպական երկրներին ընտրություն կատարել համայնքի էներգետիկ անվտանգության ապահովման համար ծախսերի էական ավելացման կամ պաշարների սպառման վտանգի միջև: Մասնավորապես Գերմանիան իր էներգետիկ պաշարները վերականգնելու համար կարող է ծախսել մի քանի հարյուր միլիոնից մինչև միլիարդ եվրո:

ԵՄ օրենսդրության համաձայն՝ մինչև նոյեմբերի 1-ը պահեստարանները պետք է լցված լինեն 90%-ով: Այս նպատակին հասնելու համար ԵՄ-ն ստիպված կլինի գնել 725-750 ՏՎտժ-ին համարժեք գազի ծավալ: Պահեստավորման համար վառելիքը սովորաբար գնում են ամռանը, երբ գինը համեմատաբար ցածր է, թեև հավանական է, որ այս տարի շուկան այլ կերպ կարձագանքի ԵՄ-ից պահանջարկի աճի ակնկալիքների ֆոնին, ինչը կհանգեցնի ամռանը գազի գների բարձրացմանը: