Առանց արդյունավետ պետական ապարատի արդյունավետ արդյունաբերական քաղաքականությունն անհնար է. Վաչե Գաբրիելյան
Առանց արդյունավետ պետական ապարատի անհնար է արդյունավետ արդյունաբերական քաղաքականություն վարել։ Դրա մասին «ԱՐԱՐ» հիմնադրամի հիմնադրման 10-ամյակին նվիրված համաժողովի ժամանակ հայտարարել է Հայաստանի նախկին փոխվարչապետ Վաչե Գաբրիելյանը։
Ըստ նրա՝ Հայաստանի բյուջեն պահպանվում է ամերիկյան քաղաքների տրամաբանությամբ, այն է՝ ընթացիկ ծախսերը ֆինանսավորվում են հարկային եկամուտներից, իսկ կապիտալ ծախսերը՝ պարտքի հաշվին։
Նա հավելել է, որ սա բազմաթիվ մարտահրավերներ է ստեղծում ճկունության առումով՝ դժվարացնելով ռեսուրսների վերաբաշխումը, երբ հրատապ խնդիրներ են առաջանում, քանի որ դա հանգեցնում է այլ լուրջ խնդիրների լուծման համար հատկացվող ռեսուրսների կրճատմանը:
Մարզերի անհավասար բաշխվածությունը նա ևս խնդիր որակեց ՝ հայտնելով, որ Երևանն ապահովում է Հայաստանի ՀՆԱ-ի 64%-ը և երկրի աշխատատեղերի մոտավորապես 71%-ը՝ մասնավոր հատվածում։