Եթե Ուկրաինան հրաժարվի երկարաձգել պայմանագիրն, ապա ռուսական գազը Եվրոպա կհասնի Թուրքիայով
Ռուսական գազի տարանցման վերաբերյալ համաձայնագրի երկարաձգումից Ուկրաինայի հրաժարումը կհանգեցնի նրան, որ այն Եվրոպա կմատակարարվի Թուրքիայով՝ «Թուրքական հոսք» գազատարով: Ծավալները կարող են լինել տարեկան մոտ 16 միլիարդ խորանարդ մետր:
«Ռուսաստանի և Ուկրաինայի միջև գազի տարանցման պայմանագրի ժամկետը լրանում է դեկտեմբերի 31-ին: Ուկրաինայի իշխանությունները նախապես հայտարարել են, որ մտադիր չեն երկարաձգել այն, եթե համաձայնագիրը չերկարաձգվի, ապա ռուսական գազը կհոսի դեպի Եվրոպա «Թուրքական հոսք» խողովակաշարով», - ասել է Թուրքիայի էներգետիկայի նախարարության ղեկավար Ալփարսլան Բայրաքթարը:
Պաշտոնյան չի բացառել, որ ռուսական գազի տարանցումից Ուկրաինայի հրաժարումը կարող է հանգեցնել Եվրոպայում գազի գնի բարձրացման: Նա հայտնել է, որ թուրքական կողմն աշխատում է գազի աղբյուրների դիվերսիֆիկացման և Եվրոպա գազի լրացուցիչ մատակարարումների վրա:
Աղբյուրը` b24.am