Ազնավուրի երգերը՝ Վանաձորում

Շառլ Ազնավուրի 100-ամյակին նվիրված հոբելյանական միջոցառումների շարքը շարունակվում է: Ազնավուրյան երգերը կհնչեն Վանաձորի Հայքի հրապարակում՝ «Սիմֆոնիկ Ռոք Ազնավուր» խորագրով համերգի շրջանակում:

Ինչպես հայտնում են Լոռիի մարզպետի աշխատակազմից, միջոցառումը կկայանա սեպտեմբեր 8-ին, ժամը 19:00-ին:

Բացօթյա համերգի ծրագրում հանդես կգան Հայաստանի պետական սինֆոնիկ նվագախումբը՝ գեղարվեստական ղեկավար և դիրիժոր Սերգեյ Սմբատյանի ղեկավարությամբ և հրավիրված հայտնի ու սիրված ռոք երաժիշտները։

Համերգը կազմակերպվում է Հայաստանի Հանրապետության կառավարության հովանու ներքո, Հայաստանի Հանրապետության կրթության, գիտության, մշակույթի և սպորտի նախարարության աջակցությամբ: