Նախնական համաձայնություն է տրվել «HSBC Հայաստան»-ի կանոնադրական հիմնադրամում «Արդշինբանկ»-ի կողմից նշանակալից մասնակցության ձեռքբերմանը

ՀՀ կենտրոնական բանկի խորհուրդը օգոստոսի 27-ի նիստում նախնական համաձայնություն է տվել «Էյչ-Էս-Բի-Սի Բանկ Հայաստան» ՓԲԸ-ի կանոնադրական հիմնադրամում «Արդշինբանկ» ՓԲԸ-ի կողմից 75 և ավելի տոկոս ուղղակի նշանակալից մասնակցության ձեռքբերմանը: Այս մասին հաղորդում են ՀՀ կենտրոնական բանկից։

Խորհուրդը հաստատել է նաև «Դրամավարկային քաղաքականության ծրագրի կատարման հաշվետվությունը (3-րդ եռամսյակ 2023 թվական – 2-րդ եռամսյակ 2024 թվական)»: