Հայաստանում տարվա վերջում գնաճը կլինի ավելի բարձր. ԿԲ նախագահ

«Տարվա վերջին գնաճն ավելի բարձր կլինի, ու մենք կմոտենանք 2-2.5%–ի, նայած ինչ զարգացումներ կլինեն գյուղատնտեսությունում։ Երբ Կենտրոնական բանկը կանխատեսում է, որ գնաճն ավելի բարձր է լինելու, մենք պլանավորում ենք, որ միջնաժամկետում գնաճը պետք է բերվի թիրախին` 4%–ի։ Միևնույն ժամանակ մենք ուզում ենք հարթ քաղաքականություն վարել ու չենք ուզում շատ կտրուկ քայլեր անել։ Օրինակ, երբ 2 տարի առաջ համավարակով պայմանավորված կտրուկ գնաճ էր գրանցվել, մենք տոկոսադրույքը կտրուկ չենք բարձրացրել, դա հետևողականորեն ենք արել», – նշեց Գալստյանը։

Նա ընդգծեց` նման քաղաքականություն նաև հիմա են իրականացնում, որպեսզի համադրեն գնաճի թիրախը` հաշվի առնելով այլ գործոններ։ Վստահեցրեց` մյուս տարվա ընթացքում ՀՀ–ն արդեն կմոտենա 4% մակարդակին, ինչը, ըստ Գալստյանի, խելամիտ է։

Գալստյանը հիշեցրեց, որ 2020 թվականին եղել է 3.7%, ապա 7.7%, իսկ 2022-ին` 8.3% գնաճ։

Աղբյուրը՝   arm.sputniknews.ru