Կանխատեսվում է, որ տարեվերջին Թուրքիայում գնաճը կկազմի 44.1%

Սպասվում է, որ այս տարեվերջին Թուրքիայում գնաճը կկազմի 44.1%։ Այս կանխատեսումն արել են ապրիլին հանրապետության Կենտրոնական բանկի կողմից հարցված շուկայի մասնակիցները։

Մեկ ամիս առաջ այս ցուցանիշը կազմում էր 44.2%։ Հարցվածների կանխատեսումներով՝ ԿԲ-ի հիմնական տոկոսադրույքը մինչև տարեվերջ կկազմի 50%: Այսինքն, չի փոխվի մարտի վերջին բարձրացումից հետո, երբ Թուրքիայի Կենտրոնական բանկի դրամավարկային քաղաքականության կոմիտեն հիմնական տոկոսադրույքը 45%-ից բարձրացրեց 50%-ի։

Ազգային արժույթի փոխարժեքը, ըստ շուկայի մասնակիցների, մինչև տարեվերջ կկազմի 40.01 թուրքական լիրա՝ մեկ դոլարի դիմաց։ Ներկայիս փոխարժեքը մեկ դոլարի դիմաց 32.6 լիրա է։

Թուրքիայի տնտեսական աճի կանխատեսումները մինչև տարեվերջ չեն փոխվել և, ինչպես մարտի հետազոտության ժամանակ, այնպես էլ հիմա մնացել են 3.3% մակարդակում։

Աղբյուրը՝    b24.am