Ավտոկայանատեղիների 2023թ. տարեկան վճարները կգործեն մինչև դեկտեմբերի 31-ը․Երևանի քաղաքապետարան

Երևանի քաղաքապետարանը տեղեկացնում է, որ Երևան համայնքում ավտոկայանատեղիների 2023թ. վճարները սահմանվել են Երևանի ավագանու 27.12.2022թ. թիվ 687-Ն որոշմամբ և գործելու են  մինչև 2023 թվականի դեկտեմբերի 31-ը՝ ժամը 24:00-ն: 

Հետևաբար 2023թ. դեկտեմբեր ամսվա ընթացքում կատարված տարեկան 12000 դրամ վճարը տարածվելու է միայն 2023թ. դեկտեմբեր ամսվա ընթացքում կայանման վրա:

Երևանի քաղաքապետարանը միաժամանակ տեղեկացնում է, որ 2024 թվականի ավտոկայանատեղիների դրույքաչափերը կսահմանվեն  Երևանի ավագանու՝ 2023 թվականի դեկտեմբերի 26-ին կայանալիք հերթական նիստի ընթացքում: