Շիրակի մարզպետ Մուշեղ Մուրադյանը հետևել է Երևան-Գյումրի -Վրաստան ճանապարհի շինարարական աշխատանքների ընթացքին

Շիրակի մարզպետ Մուշեղ Մուրադյանը մարզպետի աշխատակազմի պատասխանատուների հետ հուլիսի 15-ին հետևել է Մ-1, Երևան-Գյումրի-Վրաստանի սահմանի միջպետական նշանակության ավտոճանապարհի կմ113+200-կմ118+900 հատվածի հիմնանորոգման աշխատանքների ընթացքին։ Ճանապարհն անցնում է Շիրակի մարզի Ազատան բնակավայրի մոտով։ Այս մասին տեղեկացնում են Շիրակի մարզպետի աշխատակազմից։

Այժմ ընթանում են 5.7 կմ երկարությամբ ճանապարհահատվածի հիմքերի կառուցման և ասֆալտապատման աշխատանքները։ Մինչ այդ կատարվել են գոյություն ունեցող ծածկի քանդման, հողային, արհեստական կառուցվածքների նորոգման, ֆրեզավորման աշխատանքներ։

Շինարարությունն իրականացնում է «Մերձմոսկովյան» ԲԲԸ-ն։

Մարզպետը կարևորել է աշխատանքների որակով ու հնարավորինս արագ իրականացումը։

Նշենք, որ շինաշխատանքների պայմանագրային արժեքը 1 մլրդ 260 մլն դրամ է, որն հատկացվել է ՀՀ պետական բյուջեից։